Ès zòt konèt Uhuru 3 ?
Kon an frans, yo se di ke libète ekspresyon a jeyometri varyab èk guvènman Ameriken an. Mi sa i ka eseye fè èvè muvman Uhuru.
15/10/2024
Omali Yeshitela se on figi anblematik lalit pu emansipasyon pèp Afriken, fondatè Pati Sosyalis Pèp Afriken e lidè muvman Uhuru. Depi 50 lanne pase, i ka milite pu jistis sosyal, otodetèminasyon èk puvwa ekonomik kominote nwè, opoze kolonyalis èk enperyalis.
Yo akize'y dè konspire èvè Larisi, men non sèlman sa pa ni sans, men se on tantativ politik pu diskredite efò'ay. Yeshitela èk sa ki akize èvè'y, yo kriye « Uhuru 3 », akite dè akizasyon aji kon ajan Ris. Men, yo ka akize yo dè "konplo" pou menm krim yo inosante yo. Kontradiksyon ka fè parèt on atak pi laj kont libète ekspresyon yo èvè gawule pu lendepandans Afriken.
Sa ka rann afè-la pli dwòl, se enpak masif Omali Yeshitela trape si jenerasyon aktivis. Muvman'ay pa ka sèvi pon enterè etranje, men sèlman liberasyon Afriken, padavwa i ka gume pu suvrènte èk dwa pèp nwè an tut mond-la. Se on lidè revolisyonè ke yo ka akize de krim davwa i egzèse dwa'ay a on pawòl lib èk bay non a sistèm opresif.
Pu sa ki le sav plis, jijman-la-sa ka leve kèsyon potalans libète pawòl, jistis èk lit kont kolonyalis.